काठमाडौं । कोरोना भाइरसबाट विश्वभर १ करोड ९८ लाखभन्दा बढी संक्रमित भएका छन् ।
सात महिनाभन्दा बढी समयदेखि फैलिएको कोरोनाको महामारीले आइतबार यो समाचार तयार पार्दासम्म १ करोड ९८ लाख ४ हजार ४०८ जनामा संक्रमण पुष्टि भएको छ ।
एकै दिन २ लाख ६२ हजार ५२४ जना संक्रमित थपिएका छन् ।
पछिल्लो २४ घण्टामा मात्रै ५ हजार ६११ जनाको कोरोना संक्रमणबाटै मृत्यु भएको छ ।
योसँगै मृत्यु हुनेको संख्या ७ लाख २८ हजार ७९५ पुगेको छ ।
१ करोड २७ लाख १४ हजार ९९८ जना संक्रमणमुक्त भएका छन् ।
कोरोना भाइरसकै संक्रमणबाट युरोपियन मुलुकहरूमा २ लाख ५ हजार ९४८ जनाको मृत्यु भएको छ ।
३० लाख २३ हजार ३७५ जना संक्रमित भएकोमा १८ लाख १६ हजार ५४७ जना संक्रमणमुक्त भएका छन् ।
