काठमाडौं। दुई दिनदेखि सम्पर्कविहीन भएका कान्तिपुर दैनिकका सहायक–सम्पादक बलराम बानियाँको शव भेटिएको छ ।
महानगरीय अपराध महाशाखाका एसएसपी दीपक थापाका अनुसार बानियाँको शव मकवानपुरको सिस्नेरीमा रहेको माण्डो जलविद्युत् परियोजना क्षेत्रमा भेटिएको हो ।
उनको शव पोस्टमार्टमका लागि हेटौँडा अस्पतालमा राखिएको पनि प्रहरीले जनाएको छ ।
बानियाँ सोमबार दिउँसोदेखि सम्पर्कविहीन भएका थिए । उनि पछिल्लो पटक काठमाण्डौको बल्खुचोकमा देखिएका थियो । बल्खु खोलामा हाम फालेपछि बानियाँलाई प्रत्यक्षदर्शीले उद्धारको प्रयास गरे पनि त्यो सम्भव नभएको पाइएको प्रहरीले जनाएको छ ।
बानियाँ लामो समयदेखि कान्तिपुर दैनिकमा कार्यरत थिए ।
