काठमाडौँ । चर्चित रियालिटी सो कमेडी च्याम्पियनका विजेता हिमेश पन्तले कार पाएका छन्।
गत सिजनका विजेता उनलाई उपहारस्वरुप कार प्रदान गरिएको हो। उनी सुनम कोइराला र खड्गबहादुर पुनलाई पछि पार्दै विजेता बनेका थिए।
कमेडी च्याम्पियनका निर्देशक विशाल भण्डारी, निर्माता केकी अधिकारी र कान्तिपुर टेलिभिजनका स्टेसन म्यानेजर दिनेश डिसीले उनलाई कार हस्तान्तरण गरेका छन्।
विजेता बनेको ६ महिनापछि उनले कार पाएका हुन्। उनले पाएको कारको मूल्य २५ लाख रुपैयाँ पर्ने आयोजकले जनाएका छन्।
अब केही समयमै कमेडी च्याम्पियनको दोस्रो सिजन सुरु हुने र दोस्रो सिजनमा पनि सन्तोष पन्त, मनोज गजुरेल, ऋचा शर्मा र प्रदीप भट्टराई निर्णायक रहनेछन्। त्यस्तै, कार्यक्रमको सञ्चालन पनि अभिनेत्री रीमा विश्वकर्माले नै गर्ने जनाएको छ।
