काठमाडौं। सन्दीप लामिछाने सम्मिलित जमैका तल्लावाजले हिजोबाट सुरु भएको क्यारेबियन प्रिमियर लिग (सीपीएल)मा विजयी सुरुआत गरेको छ।
प्रतियोगिताको तेस्रो तथा आफ्नो पहिलो खेलमा आज जमैकाले सेन्ट लुसिया जोक्सलाई ५ विकेटले पराजित गरेको छ।
ब्रायन लारा एकेडेमी रंगशालामा भएको खेलमा टस हारेर ब्याटिङको निम्तो पाएको सेन्ट लुसियाले निर्धारित २० ओभरमा ७ विकेट गुमाएर १५८ रनको योगफल तयार पारेको थियो।
१५९ रनको विजय लक्ष्यसहित जवाफी ब्याटिङमा उत्रिएको जमैकाले १८.५ ओभरमा ५ विकेट गुमाएर लक्ष्य पूरा गर्यो।
बलिङतर्फ ४ ओभरमा २३ रन खर्चिएका सन्दीपले १ विकेट लिएका थिए।
