काठमाडौं। विश्वभर कोरोना भाइरसको संक्रमणबाट मृत्यु हुनेको संख्या आठ लाख नाघेको छ।
वर्ल्डओमिटरका अनुसार आज (शनिबार) विहानसम्ममा विश्वभर कोरोना संक्रमणबाट आठ लाख दुई हजार तीन सय ६२ जनाले ज्यान गुमाइसकेका छन् ।
पछिल्लो २४ घण्टामा मात्रै विश्वभर कोरोना संक्रमणबाट पाँच हजार आठ सय २४ जनाले ज्यान गुमाएका छन् ।
यस अवधिमा दुई लाख ४७ हजार ६ सय ८५ जना नयाँ संक्रमित थपिएका छन् ।
अहिलेसम्म विश्वभर कोरोना संक्रमितको संख्या दुई करोड ३० लाख ९७ हजार आठ सय ४८ पुगेको छ ।
अमेरिकामा मात्रै संक्रमितको संख्या अण्डै ५८ लाख पुगेको छ ।
पछिल्लो २४ घण्टामा विश्वमा सबैभन्दा धेरै संक्रमित भारतमा देखिएका छन् भने ज्यान गुमाउनेको संख्या अमेरिकामा धेरै छ ।
