काठमाडौं । विश्वभर २ करोड ३५ लाखभन्दा बढीमा कोरोना भाइरसको संक्रमण पुष्टि भएको छ ।
गत २४ घन्टामा २ लाख ६ हजार ५०९ जनामा संक्रमण पुष्टि भएको छ ।
यो सँगै सोमबार बिहान यो समाचार तयार पार्दासम्म संक्रमित हुनेको संख्या २ करोड ३५ लाख ८१ हजार ६१३ पुगेको छ ।
यस्तै एकै दिन थप ४ हजार २३५ जनाको मृत्यु भएको छ।
यो संगै कोरोना संक्रमणले विश्वभर मृत्यु हुनेको संख्या ८ लाख १२ हजार ४०७ पुगेको छ ।
संक्रमितमध्ये १ करोड ६० लाख ७८ हजार ७३५ जना संक्रमण मुक्त भएका छन् ।
कोरोना भाइरसकै संक्रमणबाट युरोपियन मुलुकहरूमा २ लाख ५ हजार ३०४ जनाको मृत्यु भएको छ ।
