काठमाडौं । पछिल्लो २४ घण्टामा नेपालमा थप १ हजार ३९ जनामा कोरोना भाइरस (कोभिड–१९) संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार कुल संक्रमितको ५४ हजार १ सय ५९ पुगेको छ।
हालसम्म सक्रिय संक्रमितको संख्या १५ हजार ११७ जना रहेका छन्।
यस्तै मन्त्रालयका अनुसार होम आइसोलेसनमा ७ हजार ३८७ जना रहेका छन् भने संस्थागत आइसोलेसनमा ७ हजार ७३६ जना रहेका छन्।
त्यस्तै, हाल क्वारेन्टाइनमा रहेनेको संख्या ६ हजार ५२६ रहेको जागेश्वर गौतमले जानकारी दिए।
गत २४ घण्टामा कोरोना जितेर ११ सय ७३ जना डिस्चार्ज भएका छन्।
यो सगै कुल डिस्चार्ज हुनेको संख्या भने ३८ हजार ६५७ पुगेको छ । यो ७१.५ प्रतिशत हो।
