नेपालगञ्ज, भारतबाट अवैधरुपमा नेपाल भित्रियाइएको विभिन्न सामाग्री सहित सशस्त्र प्रहरीको गस्ति टोलीले मोटर साइकल बरामद गरेको छ ।
सीमा सुरक्षार्थ खटिएको विओपीको गस्ति टोलीले ती सामाग्री बरामद गरेको छ । सशस्त्र प्रहरी निरीक्षक जीवनलाल बुढाको कमाण्डमा खटिएको टोलीले नेपालगन्ज उपमहानगरपालिका १५ टंकपसेरी जनिकैबाट विउविजन, सिंचाइका लागि प्रयोग हुने सामाग्री बरामद गरेको हो ।
सशस्त्रको मोवाईल गस्ति टोली देख्ना साथ उनीहरु सामान र मोटरसाइकल छाडेर भागेका थिए । सशस्त्र प्रहरीले यु पि ४० एच ३१९० नम्वरको मोटरसाइकल पनि बरामद गरेको छ । बरामद सबै सामाग्री विहीबार नेपालगन्जभन्सार कार्यालयमा बुझाइएको छ । सशस्त्र प्रहरीले जानकारी दिएको छ ।
