काभ्रे । तेमाल गाउँपालिका वडा नं।६ ठुलाे पर्सेलकाे आयाेजनामा सञ्चालित ३ दिने निशुल्क आँखा शिविरमा आएका जाे काेही पनि निराशा भएर जानु परेन । वडा अध्यक्ष विकुलाल तामाङ माेक्तानका अनुसार ३ दिनकाे आँखा शिविरमा २१४ जनाकाे निशुल्क चेक जाँच गरेकाेमा ५५ जनाकाे निशुल्क आँखाकाे सफल अप्रेशन भएकाे छ भने ५५ जनाकाे मेजर अप्रेशन मध्ये ९ जनाकाे दुवै आँखाकाे अप्रेशन गर्न सफल भएकाे बताउनु भयाे ।
मनाेज एशाेसिएशन फ्रान्स, मुटु फाउन्डेशनका अध्यक्ष धनबहादुर गुरूङको साथमा नेपाल आँखा अस्पताल त्रिपुरेश्वरकाे सहयाेगमा ३ दिने निशुल्क आँखा शिविर सञ्चालन गर्न सफल भएकाे वडा अध्यक्ष विकुलाल तामाङ माेक्तानले बताएका छन् ।
सिन्धुली जिल्ला, रामेछाप लगाएतका जिल्लाबाट निशुल्क आँखा चेक जाँचका लागि विरामीहरू आएका थिए ।
सुनकाेशी गाउँपालिका वडा नं। १ सिन्धुलीका ६२ वर्षे साइँली तामाङ नाती र छाेरीकाे साहारामा ठुलाे पर्सेलमा सञ्चालित आँखा शिविरमा चेकजाँचका गर्न आएका थिए । ६२ वर्षिय तामाङकाे दुवै आँखा देख्दैन थिए । उनले पुनः याे संसार देख्न पाउँछ भन्ने आशा बिल्कुलै मारिसकेका थिए । तर डा। कमल खड्का उनका लागि भगवान भएर आउनु भयो । माघ १७ गते डा। कमल खड्काकाे टाेलीले करिबआधा घन्टाकाे समयमा साइँली तामाङकाे आँखाकाे अप्रेशन गर्न सफल भयाे ।
अहिले साइँली तामाङले पुनः याे संसार देख्न पाउनुभयो । सँगै आएका नाति र छाेरीलाई हेर्दै उनले खुशीकाे आँशु झार्नुभयो र डा। कमल खड्कालाई धन्यवाद दिनुभयो ।
“तपाईं मेराे भगवान हाे । आज मैले भगवानकाे दर्शन गर्न पाएँ ।” साइँली तामाङले यसाे भनिरहँदा त्यहाँ उपस्थीत सबैकाे आँखामा खुशीकाे आँशु छचल्किएको थियो ।
ठुलाे पर्सेल स्वास्थ्य चाैकीमा संचालित निशुल्क आँखा शिविरमा साइँली तामाङ जस्तै ५५ जना वृद्ध बा -आमाले फेरी याे संसार देख्न पाएका छन् ।
वडा अध्यक्ष विकुलाल तामाङ माेक्तान भन्नु हुन्छ “मनमा खुशी त्यसबेला हुँदो रहेछ जब आफुले गरेकाे कामकाे परिणाम आशिर्वादको रूपमा पाउन सफल हुँदो रहेछ । अहिले म धेरै खुशी छु । रामेछाप, सिन्धुली देखिका बा,आमाहरू यहाँ उपस्थित भएर उहाँहरूले पुनः याे संसार देख्न पाउनु भयो याे भन्दा खुशी अरू के हुन सक्छ ? यहाँ चेकजाँचका लागि आउनु भएका सबैका लागि निशुल्कऔषधी र चश्मा वितरण गरेकाे छु । विशेष त डा। कमल खड्का र मनाेज एशाेसिएशन तथा मुटु फाउन्डेशनका अध्यक्ष धन बहादुर गुरूङलाई धन्यवाद दिन चाहन्छु ।
भिडियाेका लागि
