शंकर श्रेष्ठ,चितवन,
नवगठित कीर्तनपुर बजार व्यवस्थापन समितिको आयोजनामा माडीको कीर्तनपुर बजारमा सरसफाई कार्यक्रम सम्पन्न भएकाे छ ।
समितिका पदाधिकारी र सदस्यहरुसंगै कीर्तनपुर बजारबासी, स्थानीय व्यवसायी र सुरक्षाकर्मीहरुको सहभागितामा बजार सरसफाई कार्यक्रम गरिएको हाे।
बजार व्यवस्थापन समिति पुनर्गठन भए लगतै नयाँ उत्साहसहित बजारको विकास, विस्तार, व्यवस्थापन र सरसफाईमा सहजिकरण गर्न लागिएको पुनर्गठित समितिका पदाधिकारीहरुले जानकारि दिएका छन् । साेहि बजार व्यवस्थापन समितिको पुनर्गठन प्रक्रियामा समितिका निवर्तमान अध्यक्ष डोलनाथ (नारायण) आचार्यले असन्तुष्टी व्यक्त गर्नुभएको छ ।
उहाँले आफूसंग सरसल्लाह नगरी समितिभन्दा बाहिरबाटै भेला बोलाइएको भन्दै असन्तुष्टी व्यक्त गर्नुभएको हो । प्रक्रियागत असन्तुष्टी रहेपनि नवगठित समितिले गर्ने कामहरुमा भने सहयोग गरिने र बजार सरसफाई कार्यक्रममा पनि आफू सहभागी भएको निवर्तमान अध्यक्ष आचार्यको भनाई रहेकाे छ।
