नेपालगन्ज ,नेपाल मार्शल आर्ट्स हाप्किडो संघ, बाके जिल्लाले नेपालीहरुको महान पर्ब दशै, तिहारसँगै मनाउने छठ पर्व र मोहमद-डे को अवसरमा शुभकामना आदान प्रधान कार्यक्रमको आयोजना गर्ने भएको छ ।
अध्यक्ष बुद्धि राज बर्तौलाका अनुसार संघको आयोजनामा मंगलबार नेपालगञ्जमा शुभकामना आदान प्रदान कार्यक्रम आयोजना गर्न लागेको हो ।
‘कोरोना महामारीका कारण सबैतिर त्रास फैलदो अवस्था छ । यही समय नेपालीहरुको केही महान चाड पर्व पनि आएका छन्’, अध्यक्ष बर्तौला भन्छन्, ‘यही संकटको समयमा हामी एक आपसमा शुभकामना आदान प्रदान गरी दुःख भुलाउने प्रयास गर्ने छौं ।
एक अर्कामा हौसला थप्ने प्रयास गर्ने छौं ।’ अध्यक्ष बर्तौलाले कार्यक्रमको सम्पूर्ण तयारी पूरा भइसकेको जानकारी दिए ।
नेपालगञ्जको सुर्खेत रोड स्थित स्वस्तिक कटेजमा कार्तिक २५ गते दिनको १२ बजेबाट शुभकामना आदान प्रदान कार्यक्रम सुरु हुने छ ।
नेपाल मार्शल आर्ट्स हाप्किडो संघ, बाकेका बरिस्ठ उपाध्यक्ष अतुल गुप्ताले जानकारी दिनु भयाे ।
