नेपालगन्ज ,सशस्त्र प्रहरीले नेपालगन्जको सिमा नाकाबाट लाखौं रुपैयाँ बराबरको अवैध सामाग्री बरामद गरेको छ ।
सशस्त्र प्रहरी बल नम्बर ३० गण बागेश्वरी बाँकेबाट सशस्त्र प्रहरी नायब निरीक्षक लक्ष्मण चौधरीको कमान्डमा गएको टोलीले आज बिहान ५ बजे नेपालगन्ज १५ पिप्रहवाबाट भारतबाट ल्याउदै गरेको अवैध सामाग्री बरामद गरेको हो।
सशस्त्र प्रहरीका अनुसार बरामद गरिएका १ लाख ६० हजार रुपैयाँ बराबरका अवैध सामाग्रीमा लत्ताकपडा,स्पोर्ट्स जुत्ता र अटोपार्टसका सामाग्री रहेका छन्।
बरामद गरिएका सबै अवैध सामाग्रीलाई आजै नेपालगन्ज भन्सार कार्यालय बुझाईएको सशस्त्र प्रहरीले जानकारी दिएको छ। सशस्त्र प्रहरीको कडाइसगै तस्करहरुको भागाभाग हुँदै गएको छ ।
