नेपालगञ्ज, नेपालगञ्ज किराना तथा खाद्य व्यवसायी संघको नयाँ नेतृत्वका लागि आज शनिबार अधिबेशन हुने भएको छ ।
लामो समयसम्म संघमा नेतृत्व गरिरहेका अध्यक्ष अव्दुलवाहिद मन्सुरी चुन्ना नेपालगञ्ज उद्योग वाणिज्य संघको अध्यक्षमा निर्वा्चित भएपछि किराना तथा खाद्य व्यवसायी संघमा नयाँ नेतृत्व आउने निश्चित भएको छ ।
संघको अध्यक्षका लागि व्यवसायी फनाधर भण्डारी र उपाध्यक्षका लागि अव्दुलजलिल मन्सुरी मुन्नाको नाम चर्चामा रहेको ब्यवसायीहरुले जनाएका छन् ।
संघको ९ औं साधारणसभाले पदाधिकारी लगायत अन्य पदाधिकारी र सदस्य चयन गर्ने छ । अधिबेशन नेपालगञ्जमा हुने भएको छ ।
साधारणसभामा नेपालगञ्ज उद्योग वाणिज्य संघका नवनिर्बा्चितपदाधिकारी तथा सदस्यहरुलाई सम्मान गरिने भएको छ ।
