उत्तर कोरियाले आफ्नो देशका युवाहरुलाई बोलचालीमा दक्षिण कोरियाको अनौपचारिक भाषा (स्ल्याङ्ग) प्रयोग नगर्न सुझाव दिएको छ ।
बोलीचालीको क्रममा आफ्नो देशकै औपचारिक भाषाको प्रयोग गर्न उत्तर कोरियाको सरकारी सञ्चारमाध्यमले अपील गरेको हो । अभद्र र असभ्य भाषाको प्रभाव दक्षिण कोरियाबाट युवाहरुमा परेको भन्दै त्यस उत्तर कोरियाले यस्तो अपील गरेको हो । सरकारी पत्रिकामा प्रकाशित भएको अपील दक्षिण कोरियाको फेसन, हेयरस्टाइल र संगीतको प्रभावमा नपर्न पनि चेतावनी दिइएको छ । कुनै पनि प्रकारको विदेशी प्रभाव पर्न नदिनका लागि ल्याइएको नयाँ कानून अन्तर्गत कडा कारवाहीको व्यवस्थासहित उत्तर कोरियाको बोलीचाली, लगाई तथा संगीतको प्रभावमा नपर्न युवा पुस्तालाई चेतावनी दिइएको हो ।
आग्रह उल्लंघन गर्नेहरुलाई जेल सजायसँगै फासीसम्म हुन सक्ने व्यवस्था छ । दक्षिण कोरियाको पप कल्चरको प्रभावमा नपर्न आधिकारिक पत्रिका रोडोङ्ग सिन्मुनले चेतावनी दिएको हो ।
बन्दुकसहितका शत्रुहरु भन्दा पनि आफ्नो संस्कृतिमाथि हुने आक्रमण खतरानाक हुने भन्दै दक्षिण कोरियाको चमकधमकको पछि नलाग्न अपील गरेको छ ।
