नेपालगंज, नेपाल रेडक्रस सोसाइटी बाँके जिल्ला शाखाले ज्यालादारीमा काम गर्ने मजदुरहरुलाई शुक्रवार मास्क वितरण गरेको छ ।
दैनिक ज्यालादारीमा काम गर्न जाने मजदुरहरुको जम्मा हुने स्थान रामलीला मैदानमा रहेका व्यक्तिहरुलाई विहान उक्त मास्क वितरण गरिएको छ ।
सबैले जनस्वास्थय मापदण्ड पुरा गर्दै काम गर्न गराउन सन्देश प्रवाह गरिएको थियो । नेरेसो र डेनिस रेडक्रसको साझेदारीमा संचालित कार्यक्रमबाट ५ हजार ५ समय मास्क वितरण गरिएको हो ।
वितरण कार्यक्रममा नेरेसो बाँके शाखाका सभापति गोवर्धन सिंह सम्झना, नेरेसो बाँकेबगिया उपशाखाका सभापति श्यामबहादुर के.सी. लगायत शाखा र उपशाखाका पदाधिकारी, सदस्य र कर्मचारीहरुको उपस्थिति रहेको थियो ।
