काठमाडौं । नेकपा एमालेको विधान महाधिवेशनका लागि ललितपुरको गोदावरीस्थित सम्मेलन केन्द्रमा तयारी पूरा भएको छ । शुक्रबारदेखि हुने विधान महाधिवेशनका लागि गोदावरी सम्मेलन केन्द्रलाई सिँगारिएको छ ।
शुक्रबार दिउँसो सवा १२ बजे एमाले अध्यक्ष केपी शर्मा ओलीले उद्घाटन गर्ने विधान महाधिवेशनमा ६ हजारभन्दा बढी प्रतिनिधि सहभागी हुनेछन् ।
सम्मेलन केन्द्रको हलमा प्रतिनिधिहरुको सिट प्लानिङ गरिएको छ जसमा पदाधिकारी एवं स्थायी कमिटी सदस्यहरु मञ्चमा हुनेछन् भने मूल हलमा ३ हजार प्रतिनिधि रहने व्यवस्थापन समितिले बिहीबार पत्रकार सम्मेलन गरी जानकारी दिएको छ ।
यस्तै दायाँ(बायाँको हलमा एकरएक हजार प्रतिनिधि बस्नेछन् भने दुवै हलको प्यासेजको माथिल्लो खाली भागमा टेन्ट टाँगेर एकएक हजार क्षमताका हल बनाइएको छ । सबै गरेर ७ हजार मानिसका लागि बस्ने व्यवस्था मिलाइएको व्यवस्थापन समितिले जनाएको छ ।
विधान महाधिवेशनमा सहभागीहरुलाई बिहानको खाना र दिउँसोको खाजा महाधिवेशन स्थलमा नै व्यवस्था गरिएको छ । हरेक दिन बिहान ९ देखि ११ बजेसम्म खाना खाने समय छुट्याइएको छ भने खाजा प्याकेटमा दिइनेछ ।
साँझको खाना भनेको बास बसेकै स्थानमा वा आफैंले व्यवस्थापन गर्नुपर्ने बताइएको छ । आवासका लागि प्रदेश तथा जिल्ला सम्पर्क मञ्चहरुको सहयोगमा प्रदेश कमिटीहरुले नै व्यवस्था गर्ने प्रबन्ध मिलाइएको व्यवस्थापन समितिले जनाएको छ ।
स्रोत अनलाइन खबर
