काठमाडौँ । नायक तथा मोडल तुल्साङ मोक्तानको अभिनय रहेको नयाँ म्युजिक भिडियो “मरिन २” सार्वजनिक भएको छ ।
अजय स्याङतानको निर्देशनमा निर्माण भएको यो म्युजिक भिडियोको छाँयाङ्कन पक्ष अहिलेसम्मको नै उत्कृष्ट छ भन्दा फरक नपर्ला तर कथा वस्तु कता कता फितलो हो कि भन्ने लाग्न सक्छ । किन भने कथाले मागेका कुरा बुझ्न भिडियो कम्तिमा पनि तीन पटक हेर्नुपर्ने हुन्छन् अनि मात्र यो म्युजिक भिडियोले दिन खोजेको कथा वस्तुको सार बुझ्न सकिन्छ ।
नायक तुल्साङ मोक्तानको यो पहिलो म्युजिक भिडियो भने होइन । उनले धेरै तामाङ चलचित्र तथा म्युजिक भिडियोहरुमा अभिनय गरिसकेका छन् । निर्देशक अजय स्याङतानको निर्देशनमा नायक तुल्साङ मोक्तानले राम्रो अभिनय गरेको छ ।
यो म्युजिक भिडियोको सिनेम्याट्रीक पक्ष एक दम राम्रो छ । नेपाल र विदेशमा छाँयाङ्कन गरेको यो म्युजिक भिडियोमा गायक कार्सङ लामा र गायिका सुमिना लो को आवाज रहेको छ भने डि एन डी तामाङ र विजय गोलेको शब्द रचना रहेको छ । कार्सङ लामाको एरेन्ज रहेको छ भने यो गीतमा जेम्स जिम्बा तामाङले ¥यापमा स्वर दिएको छ ।
मोडल रस्मीला तामाङसँग नायक तथा मोडल तुल्साङ मोक्तानको जोडी सुहाएको छ भन्नु नै पर्छ । पछिल्लो समयमा तामाङ समुदायमा सार्वजनिक भएको म्युजिक भिडियोहरुमा फेसनको होडबाजी नै चलेको छ । तामाङ समुदायलाइ म्युजिक भिडियोबाट माथि उठान गर्नका लागि रमाइलो गर्न निर्माण गरेको भएतापनि सन्देश मुलक होस् भन्ने सबैले चाहना राखेका हुन्छन् ।
निर्देशक अजय स्याङतानले प्रत्येक नयाँ म्युजिक भिडियोमा नयाँ नयाँ पन दिन खोजि रहेका हुन्छन् । उनको यो कला नै हो भन्दा हुन्छन् । यो म्युजिक भिडियो हेरेपछि सबैले केहि सन्देश लिन सकोस् ।
