नेपालगञ्ज, बाँकेको खजुरास्थित सुशील कोइराला प्रखर क्यान्सर अस्पतालका नव नियुक्त अध्यक्ष टेकेन्द्र मल्ललाई बुधबार नेपालगञ्जमा सम्मान गरिएको छ । अध्यक्ष मल्ललाई एकीकृत समाजवादी निकटको अनेरास्ववियु बाँकेले सम्मान गरेको छ ।
अनेरास्ववियु बाँकेका अध्यक्ष इन्द्रबहादुर बस्नेत, नेकपा एकीकृत समाजवादीका पोलिटब्यूरो सदस्य दलबहादुर सुनार, केन्द्रीय सदस्य अव्हुद हुँसेन खाँ, जिल्ला अध्यक्ष इन्द्रबहादुर थापा लगायतले मल्ललाई सम्मान गर्नुभयो । सो अवसरमा नेता सुनारले अस्पताललाई देशकै नमूना अस्पतालको रुपमा सुधार र विकास गर्न अध्यक्ष मल्ललाई केन्द्रीत हुन आग्रह गर्नुभयो ।
क्यान्सरको उपचारका लागि भारत र चितवन तथा राजधानी जानुपर्ने अवस्था अन्त्य गराउन अध्यक्ष मल्ललाई आफुले सहयोग गर्ने सुनारले बताउनुभयो । सो अवसरमा अध्यक्ष मल्लले सबै पक्षको साथ र सहयोगमा अस्पताललाई देशकै अव्वल अस्पतालको रुपमा अघि बढाउन पहल गर्ने बताउनुभयो । खजुराबासीले ब्यक्तिगत सहयोगबाट अस्पताल निर्माण भएको भन्दै उहाँले सबैको साथ र सहयोग अपरिहार्य भएको बताउनुभयो । अनेरास्ववियुका केन्द्रीय सचिव तथा प्रदेश अध्यक्ष मल्ललाई हालै स्वास्थ्य तथा जनसंख्या मन्त्रालयले अस्पतालको अध्यक्षमा नियुक्त गरेको हो ।
