काठमाडौं । पछिल्लो चरण नेपाली सांगीतिक बजारमा एकपछि अर्को उत्कृष्ट गीतहरु आउनेक्रममा चर्चित गजलकार तथा लोक दोहोरी गायक थानेश्वर गौतम र गायिका निशा केसीको स्वरमा रहेको “सारा संसार एकातर्फी” बोलको गीत बजारमा सार्वजनिक भएको छ ।
प्रभा बर्तौलाको शब्द तथा गायक गौतमकै संगीत रहेको उक्त गीतमा अष्ट्रेलियामा रहेर निरन्तर नेपाली लोक गीत संगीतलाई निरन्तरता दिइरहेकि गायिका निशा केसीको सुमधुर स्वर रहेको छ ।
मुटुमा खिल बस्यो, चरी बनभरी, पानपाते फुलि जस्ता चर्चित गीत लगायत अन्य धेरै गीतमा गायिका केसीले स्वर दिइसकेको छ ।
गीतको भिडियोको निर्देशन सिर्जन बराल, ऋषिु ले गरेका छन् भने भिडियोमा चिरन्जिवी सापकोटा, रोशनी कार्की, विकास खनाल, प्रिन्स सिङ ठकुरी लगायत कलाकारहरुले अभिनय गरेका छन् ।
