नेपालगञ्ज, बाँके क्षेत्र नम्बर २(१) बाट निर्वाचित प्रदेश सभा सदस्य भण्डारीलाल अहिर(यादव) कृषि मन्त्री नियुक्त हुनुभएको छ । लुम्विनी प्रदेशका मुख्य मन्त्री डिल्लीबहादुर चौधरीको सिफारिशमा जसपाबाट निर्वाचित सांसद अहिर मन्त्री नियुक्त हुनुभएको हो । अहिरसँगै लुम्बिनी प्रदेशमा थपिएका ३ जना मन्त्रीले पद तथा गोपनियताको शपथ लिनुभएको छ ।
मुख्यमन्त्री डिल्ली चौधरीले सोमबार तीन जना मन्त्री थप गर्नुभएको छ । जसलाई सोमबार नै प्रदेश प्रमुख अमिक शेरचनले बुटवलमा शपथ ग्रहण गराउनुभएको हो । मुख्यमन्त्री चौधरीले कांग्रेस, जसपा र जनमतबाट एकएक गरी तीन जना मन्त्री थपेर सात सदस्यीय मन्त्रिपरिषद् बनाउनुभएको छ ।
सोमबार दाङ २ ९क० बाट निर्वाचित कांग्रेसका राजु खनाल स्वास्थ्यमन्त्री, रुपन्देही ५ ९ख० मा निर्वाचित जनमतका चन्द्रकेश गुप्ता सामाजिक विकासमन्त्री र बाँके २ ९क० १ मा जसपाबाट निर्वाचित भण्डारीलाल अहिरले कृषिमन्त्रीको शपथ लिनुभएको हो ।
यसअघि मन्त्री बनेका दुई जना विनाविभागीय मन्त्रीको पनि जिम्मेवारी तोकिएको छ । नागरिक उन्मुक्तिका धर्मबहादुर चौधरी भौतिक पूर्वाधार मन्त्रालय र लोसपाका सन्तोषकुमार पाण्डेले आन्तरिक मामिला तथा कानून मन्त्रालयको जिम्मेवारी पाउनुभएको छ । यसअघि माओवादीका धनबहादुर मास्कीले आर्थिक मामिला मन्त्रालयको जिम्मा पाउनुभएको थियो । लुम्बिनीमा अझै केही मन्त्रालय रिक्त छन् । बाँकी मन्त्री बजेटपछि नियुक्त हुने सरकारका प्रवक्ता सन्तोषकुमार पाण्डेयले जानकारी दिनुभयो । लुम्बिनीका मुख्यमन्त्री चौधरीले बैशाख १५ गते शपथग्रहण गर्दै चार सदस्यीय मन्त्रीमण्डल विस्तार गर्नुभएको थियो ।
माओवादीमा आन्तरिक विवाद भएपछि बाँकी मन्त्री नियुक्ति बजेटपछिका लागि तय भएको स्रोतको भनाइ छ । माओवादीबाट कृष्णा केसी नमुना र दीपेन्द्र पुनको नाम पठाइए पनि कांग्रेसबाटै पुनको नाममा विवाद खडा गरिएको माओवादीको भनाइ छ । बाँकेको डुडुवाका स्थायी बासिन्दा अहिर दोश्रो पटकमा पनि कृषि मन्त्री नै नियुक्त हुनुभएको छ । यसअघि एमाले नेतृत्वको सरकारमा पनि अहिर केही दिन कृषि मन्त्री हुनुभएको थियो । पुर्व शिक्षक समेत रहनुभएका अहिरले २०७४ देखि ७९ सम्म डुडुवा ३ को वडा अध्यक्षको जिम्मेवारी सम्हाल्नुभएको थियो ।
