नेपालगञ्ज, नेपालगञ्ज उपमहानगरपालिका वडा नम्बर १८ ले शिक्षा क्षेत्रमा प्राथमिकता दिने भनि गरेको प्रतिवद्धता कार्यान्वयनमा ल्याएको छ ।
वडा अध्यक्ष दिपक वर्माले भौतिक पूर्वाधार निर्माणसँगै शिक्षा र स्वास्थ्यलाई प्राथमिकता दिने प्रतिवद्धता जनाउनुभएको थियो । जस अनुसार शैक्षिक सुधारका लागि भौतिक निर्माणमा जोड दिइएको छ । यसैक्रममा माध्यमिक विद्यालय लग्दहवामा विद्यार्थीहरुका लागि दुई तल्ला पक्की भवनको वडा अध्यक्ष दीपक बर्माद्वारा पुजापाठ गरि पहिलो तल्ला ढलानको शुरूवात गर्नु भयो । उक्त भवनको लागत करिब ३५ लाख रहेकोे छ ।
नेपालगन्जको प्रचण्ड गर्मी तथा बर्षा याममा टीनको छाना चुईने समस्या छ । हाल सम्म टीनको छाना मुनि बस्न बाध्यात्मक परिस्थिति रहेको हुँदा विद्यार्थीहरुका लागि कक्षाको निर्माण अति आवश्यक रहेकोेले कक्षा कोठा निर्माण गर्न लागेको अध्यक्ष बर्माले बताउनु भयो । यसै आर्थिक बर्ष ७९(८० मा उक्त विद्यालयको आयको लागि ६ कोठो पक्की सटर समेत निर्माण सम्पन्न गरि भाडामा लगाइएको छ । साथै चालु आर्थिक बर्ष ७९(८० मा नै वडा नं १८ मा रहेको पाटेश्वरी आधारभुत विद्यालय भुजइगाँवमा एक तल्ला पक्की भवनको निर्माण गरि फिनिसिङ्ग कार्य जारी रहेको छ ।
गत कार्यकालमा पुर्वाधार क्षेत्रमा फडको मारेको वडा नं १८ मा बर्मा नेतृत्वको टीमले पुनः निर्वाचित कार्यकालमा शिक्षा क्षेत्रलाई प्राथमिकतामा राखेको जनाएको छ । साथै वडा नं १८ मा अहिले पुर्वाधारमा सडक, स्वास्थ्य कृषि, सोलार, मठमन्दिर मदरसा लागयतमा कार्य जारी रहेको वडा सदस्य दिग्विजय ढुंगानाले बताउनुभयो ।
