सांसद रमेशकुमार महत भन्नुहुन्छ नुवाकोट काँग्रेसले स्थानियतहमा तिलक लामा जस्तो एउटा चम्किलो तारा गुमायो

नुवाकोट । नेपाली काँग्रेस क्षेत्रीय कार्यसमिति सदस्य एवं ककनी गाउँपालिका वडा नं. २ बाट निर्वाचित वडा अध्यक्ष स्व.तिलक बहादुर लामाको ११ औं तिथिमा नुवाकोट जिल्ला ,निर्वाचन क्षेत्र नं.१ नेपाली काँग्रेस क्षेत्रीय कार्यसमितिले आयोजना गरेको श्रद्धान्जली सभामा उपस्थित भई शोक शन्तप्त परिवार जनमा समवेदना प्रकट गर्ने क्रममा नेपाली काँग्रेसका केन्द्रियसदस्य तथा बागमती प्रदेशका आर्थिक मामिला मन्त्री बहादुर सिं लामा र नेपाली काँग्रेसका नुवाकोट जिल्ला सभापति तथा प्रदेश सांसद रमेशकुमार महतले नुवाकोट काँगे्रसले स्थानियतहमा तिलक लामा जस्तो एउटा चम्किलो तारा गुमाएको बताउनु भयो ।
लामो समय देखि मृगौलाको समस्या भएका तिलक बहादुर लामा नियमित डायलसिस गराउँदै आउनु भएकोमा यहि जेठ ३१ गते असामहिक निधन भएको थियो ।
२०७९ सालको स्थानिय निर्वाचनमा निर्वाचित भएका लामा आफ्नो स्वास्थ्यको समेत पर्वाह नगरी निरन्तर आमनागरिकको काममा लाग्ने गरेको नेपाली काँगे्रसका स्थानिय नेता ऋषि लामा बताउनुहुन्छ ।
कार्यक्रममा बोल्दै नेपाली काँग्रेस महासमिति सदस्य कृष्ण बहादुर लामाले सच्चामनले स्व. तिलक बहादुर लामालाई श्रद्धान्जली दिने हो भने उहाँले देखाएको बाटोमा नुवाकोट काँगेस अगाडी बढ्नु पर्ने बताउनु भयो ।
ककनी गाउँपालिका वडा नं.२मा आयोजित श्रदान्जली सभालाई नेपाली काँगे्रस नुवाकोटका जिल्ला तथा स्थानिय नेताहरुले सम्बोधन गर्नुभएको थियो ।