नेपालगन्ज, पुर्वमन्त्री तथा जनता समाजवादी पार्टीका कार्यकारीणी सदस्य मोहम्मद ईश्तियाक राईले नेपालगन्जमा सञ्चालनमा आएको एक रेष्टुरेन्टको उद्घाटन गर्नु भएको छ ।
नेपालगन्ज आदर्शनगरस्थित सुर्खेतरोडको होटल स्नेहा र मल्टिप्लेक्स सिनेमा सिने रोयलको ठीक सामुन्ने सञ्चालनमा ल्याईएको ख्वाजा फुड सेन्टर ९ केएफसी ० को पुर्वमन्त्री राई र बाँके युनेस्को क्लबका प्रमुख संरक्षक प्रवेज अलि सिद्दिकीले संयुक्त रुपमा उदघाटन गर्नुभयो ।
विशेष गरि सिनेमा हेर्न आउने तथा होटल र क्यासिनो लगायतमा आउने भारतीय पर्यटकलाई लक्षित गरेर सो रेष्टुरेन्ट सञ्चालनमा ल्याईएपनि विशेष स्वाद पस्किने भएकोले नेपालगन्जका स्वादका पारखीहरुको पनि त्यहाँ राम्रो उपस्थिति हुने विश्वास गरिएको छ ।
रेष्टुरेन्ट उदघाटनको अवसरमा पत्रकारहरुसंग संक्षिप्त कुराकानी गर्दै पुर्वमन्त्री तथा बाँके क्षेत्र नम्बर २ का पुर्वसांसद राईले आफ्नो निर्वाचन क्षेत्रमा निजि लगानीमा पर्यटक भित्रिने विभिन्न ठाउँहरु निर्माण हुँदै गएकोमा खुशी व्यक्त गर्नुभयो ।
उहाँले आफ्नो पालामा भएका विकास निर्माणले गर्दा नै नेपालगन्ज पश्चिम नेपालकै सुन्दर र उत्कृष्ट उपमहानगर बन्न सफल भएको बताउनुभयो ।
रेष्टुरेन्टका सञ्चालक नियाज अहमद शाहले नेपालगन्जमै लखनउको स्वाद पस्कने उदेश्यले करिब १० लाखको लगानीमा रेष्टुरेन्ट सञ्चालन गरिएको जनाउँदै यहाँ बिरयानी, खिर, कोरमा, बटर नान, चिकेन मलाई टिक्का, चिकेन हरियाली टिक्का र मटन सेकुवा विशेष रुपमा पाइने बताउनुभयो ।
उहाँले एक पटक रेष्टुरेन्टको स्वाद लिन सबैलाई आग्रह गर्दै स्वाद र क्वालिटिमा कुनैपनि सम्झौता नगरिने प्रतिवद्धता जनाउनुभयो ।
