नेपालगञ्ज, नेकपा एमाले सम्वद्ध नेपाल मुस्लिम इत्तेहाद संगठनको प्रथम अधिवेशनले शकील अहमद खानको अध्यक्षतामा पुनः नयाँ कार्य समिति गठन गरेको छ । बिहिवार नेपालगञ्जमा भएको अधिवेशनले खानको अध्यक्षतामा ३५ सदस्यीय कार्य समिति सर्वसम्मत चयन गरेको हो ।
सङ्गठनको प्रथम लुम्विनी प्रदेश अधिवेशनको उद्घाटन सङ्गठनका केन्द्रीय अध्यक्ष सेराज फारुकीले गर्नुभयो । अधिवेशनको उद्घाटनमा नेकपा एमालेका केन्द्रीय सदस्यहरु लक्ष्मण ज्ञवाली, खेममान खड्का, मोहम्मद हारुन, एमाले बाँकेका अध्यक्ष किस्मत कक्षपति लगायतले शुभकामना ब्यक्त गर्नुभएको थियो । अधिवेशनमा लुम्विनी प्रदेशका १२ जिल्लाबाट प्रतिनिधी र पर्यबेक्षक गरि दुईसयजनाको सहभागिता रहेको थियो ।
संगठनका प्रदेश अध्यक्ष शकील अहमद खानको अध्यक्षतामा उद्घाटन समारोह भएको हो । खाँ का अनुसार अधिवेशनमा प्रतिनिधित्वको हिसावले प्रदेशका १२ जिल्लालाई क, ख र ग वर्गमा विभाजन गरिएको छ ।
