नेपालगन्ज, नेपाल ईट्टा उद्योग महासंघको १५ औ वार्षिक साधारण सभा आज सम्पन्न भएको छ । कार्यक्रममा नेपाल ईट्टा उद्योग महासंघका अध्यक्ष शंकर बहादुर चन्द अध्यक्षता रहेको थियो भने माननिय उधोग वाणिज्य तथा आपुर्ति मन्त्री रमेश रिजालको प्रमुख आतिथ्यता रहेको थियो । यसै अवसरमा मन्त्री रिजालले पानसमा बत्ती बालेर कार्यक्रमको औपचारिक उदघाटन गर्दे महासंघले समसामायिक लेख रचना तथा सुचनाहरु समावेश गरेको बाँके विशेषाङ्क बुलेटिन पनि विमोचन गरेका थिए ।
उद्योगी व्यवसायले व्यवसायिक निष्ठालाई व्यवहारमा लागु गर्दे राज्य प्रतिको दायित्वलाई भुल्न नहुने बताए । आत्मनिर्भर अर्थतन्त्र निर्माणका लागी सरकार र निजी क्षेत्रबाट समन्वय एवम सहकार्य जरुरी हुने बताउँदै सबै ईट्टा उद्योगहरुले उत्पादनमा गुणस्तर कायम राखदै वातावरणमैत्री प्रविधिको प्रयोगले सामाजिक आचारसंहिताको पालना,बालश्रम मुक्त उधोग सन्चालन गरी पारदर्शिता र जवाफदेहिताका साथमा दायित्व निर्वाह गर्न र गराउन सबै ईट्टा उद्योगी व्यवसायी हरु लाई आग्रह गरेका छन् ।
ईट्टा उद्योगी व्यवसायीहरुको वृद्धि विकासको साथै गुणस्तरीय ईट्टाको उत्पादन वातावरण मैत्री आधुनिक प्रविधियुक्त सामाजिक उत्तरदयित्व सहित श्रमिक मैत्री रुपमा ईट्टा उद्योग संचालनमा रहेको छ । सरकारले पुँजीगत खर्चमा नैराशय देखाउँदा ईट्टाको प्रयोगमा नीतिगत उदासीनताले गर्दा ईट्टाको बाजार खुम्चिन गई ईट्टा उद्योगीहरु ठुलो मर्कामा परेको नेपाल ईट्टा उद्योग महासंघको अध्यक्ष शंकर बहादुर चन्दले बताए ।
ईट्टा उद्योगको सुमग्र विकासका लागी आगामी दिनमा सबै जना सँगै मिलेर आधारभुत कुरामा सहकार्य गरेर राष्ट्र समृद्धितर्फ अगाडि बढ्न सक्ने बताउदै लुम्बिनी प्रदेशमा मात्र २ सय ५१ वटा ईट्टा भट्ट भयको जानकारी दिए ।
वार्षिक साधारण सभामा देशभरी बाट ४ सय जना ईट्टा उद्योगी व्यवसायीहरुको सहभागिता रहेको थियो ।
