नेपालगन्ज ,नेपालगन्ज उद्योग वाणिज्य संघले आईतवार नेपालगन्ज वडा नं १ को तेजनगरमा अत्यावश्यक खाद्य बस्तुहरुको घुम्ती सेवा सन्चालन गरेको छ ।
उक्त घुम्ती सेवा शनिवार देखि शुरु भएको थियो । खाद्य सामाग्री र तरकारी सहितको भ्यान मार्फत सेवा प्रदान भइरहेको संघका कोषाध्यक्ष हरिलाल न्यौपानेले जानकारी दिए । उक्त घुम्ती शिविर भोली वडा नं १२ मा सन्चालन हुने छ ।
घुम्ती सेवामा गाडी मार्फत टोल(टोलमा चामल, दाल, पिठो, नून, तेल , तरकारी जस्ता अत्यावश्यक सामाग्री उपलब्ध गराइन्छ ।
लकडाउनको अवस्थामा कुनै पनि प्रकारको उपभोग्य सामाग्रीमा अभाव सिर्जना नहोस् भन्नका लागि नेपालगन्ज उद्योग वाणिज्य संघले सम्बन्धित वडा र नेपालगन्ज किराना तथा खाद्य व्यवसायी संघसंग समन्वय गरेर घुम्ती पसल सन्चालन गर्दै आएको छ ।
तेजनगरमा आईतवार भएको घुम्ती शिविरमा संघका कोषाध्यक्ष न्यौपाने सहित कार्यसमिति सदस्य श्यामसुन्दर अधिकारीको सहभागिता थियो ।
