नेपालगन्ज ,युवा नेता तथा समाजसेवी ज्ञानु ओलीले कोरोना भाइरस (कोभिड १९०) को संक्रमणबाट आफ्नो वडाबासीलाई बचाउनको निम्ति वडा भरी नै १० हजार मास्क तथा साबुन वितरणको अभियान सुरु गरेका छन् ।
राप्ती सोनरी गाउँ पालिका वडा नम्बर दुईका सदस्य समेत रहेका युवा समाजसेवी ओलीले आफ्नै खर्चमा सम्पुर्ण वडा भरिका बासिन्दालाई मास्क तथा डिटोल साबुन र लाइफ ब्वाय साबुन समेत वितरण गर्न लागेका हुन् ।
मास्क वितरणको पहिलो दिन उहाँले राप्ती सोनारी गाउँपालिका वडा नम्बर दुइको राजपुर गाउँबाट मास्क तथा हात धुने साबुन वितरणको कार्य सुरु गरेका हुन् ।
साथै ओलिले कोरोनाबाट बच्नको लागि अत्यावश्यक काम बाहेक घरबाट ननिस्कन र कोरोना भाइरस सर्न नदिन गरिने उपायका बारे सचेत समेत पारेका थिए ।
खुल्ला सिमानाका कारण कोरोना भाइरस संक्रमणको उच्च जोखिमको रुपमा बाँके जिल्लालाई लिइन्छ । हरेक स्थानिय तहले कोरोना भाइरसको संक्रमण हुन नदिन तयारी गरिरहेको अवस्थामा राप्ती सोनरी गाउँपालिका वडा नम्बर दुईका समाजसेवी ओलीले वडा भरी कै लागि पुग्ने गरि मास्क वितरण गर्न लागेका हुन् । युवा नेता ज्ञानु ओलीद्वारा वडा भरी १० हजार मास्क र साबुन बितरण राप्तिसोनरी गाउँ पालिका वडा नम्बर दुईका अध्यक्ष मदन बहादुर ओलिले युवा नेता ज्ञानु ओलिले गरेको कार्य सरहानिय रहेको र वडा र गाउँपालिकाले ओलिजस्ता युवा नेता पाएकोमा गर्व गर्नुपर्ने समेत बताउनुभएको छ ।
बाँकेका युवामाझ प्रेरणाको रुपमा चिनिने ओलीले चैत दशै ९पर्व०को दिन वडाबासिलाई कोरोना संक्रमणबाट बच्ने मास्क वितरण गर्न लागेको बताएका छन् ।
‘हामी युवाले वडाबासिको सेवा नगरे कस्ले गर्ने , म एउटा जनप्रतिनिधि समेत हु त्यसैले मैले मेरो वडाबासिको लाही आफुले सक्ने कोसिस गरेको छु । अहिलेको अवस्थामा सबैले आफ्नो ठाउँबाट सहयोग गर्नुपर्छ ‘ ओलीले बताउनुभयो । यस अघि पनि समाजिक कार्यमा संलग्न ओलिले वडामा जिम क्लब , मन्दिर निर्माण जस्ता सामाजिक कार्य गर्दै वडाबासिको मन जितिसकेका छन् ।
