नेपालगञ्ज, नेपालगञ्जका युवा उद्यमी कमल कार्कीले नेपालगञ्जका पत्रिका वितरकहरुलाई खाद्यान्न सहयोग गर्नुभएको छ ।
कार्कीले लोकप्रिय सन्देश दैनिकले पत्रिका वितरकहरुको सहयोगका लागि सञ्चालन गरिरहेको अभियान मार्फत ५ जना पत्रिका वितरकलाई आइतबार सहयोग गर्नुभएको हो ।
प्रति ब्यक्ति १० किलो चामल, दुईकिलो आलु, एक किलो नुन, एक लिटर तेल, एक किलो दाल र एउटा सावुन सहयोग गरिएको लोकप्रिय सन्देशका प्रबन्धक दिनेश ठाकुरले जानकारी दिनुभयो ।
उद्योगपति कार्कीको समूहले कोरोना संक्रमणका कारण समस्यामा परेका विपन्न समुदायको सहयोगका लागि एकलाख रुपिया बढि सहयोग गरेको छ ।
लोकप्रिय सन्देश दैनिकको अभियान अन्तर्गत नेपालगञ्जबाट प्रकाशित हुने लोकप्रिय सन्देश, सद्भाव दैनिक, कालपृष्ठ दैनिक, हाम्रो समाचार दैनिक र दैनिक नेपालगञ्जमा कार्यरत पत्रिका वितरकहरुलाई सहयोग गरिएको छ ।
