नेपालगन्ज ,पुर्व शहरी विकास मन्त्री तथा बाँके क्षेत्र नम्बर २ का संघिय सांसद मोहम्मद इश्तियाक राईले कोरोना विरुद्धको अभियानमा अहोरात्र खटिनु भएकी नेपालगञ्ज उपमहानगरपालिकाका उपमेयर उमाथापा मगरको प्रशंसा गर्दै आवश्यक परेको सहयोग गर्ने प्रतिवद्धता जनाउनु भएको छ ।
पुर्व शहरी विकास मन्त्री राईले उपमेयर थापाको कामको मूल्यांक गर्दै उहाँको हौसला र उत्साह समेत बढाउनु भएको छ ।
राईले आफ्नो फेसबुक पेजमार्फत एक सन्देश जारी गर्दै यस्तो जटिल र संकटको अवस्थामा नेपालगन्ज उप -महानगरपालिकामा मुख्य जिम्मेवारी लिएकाहरु जिम्मेवारविहिन देखिएको बेला उपप्रमुखको सक्रियता निकै सराहनीय रहेकोले त्यसका लागि यस क्षेत्रको संघिय सासद र जनप्रतिनिधिका हैसियतले उहाँको अतुलनिय योगदानको उच्च कदर गर्दछु भन्नु भएको छ ।
उहाँले फेसबुकमा अगाडी भन्नु भएको छ – मेरो व्यक्तिगत सहयोगमा उपमहानगरपालिका क्षेत्र भित्र विभिन्न सहयोग कार्यक्रम जारीनै छ साथै वहाँ लाई जुनसुकै सहयोगको आवश्यकता गर्न तयार रहेको आग्रह गर्न चाहन्छु ।
‘कोरोना विरुद्धको यो अभियानमा केन्द्रिय सरकारले आवश्यक बजेट र उपकरण लगायतको व्यवस्थापन गर्ने, प्रदेश सरकारले त्यसको समन्वय गर्ने अफना मातहतका सम्पूर्ण निकाय परिचालन गरी व्यावस्थापन गर्ने र क्वारेन्टाइनको पूर्ण व्यवस्थापनदेखि लकडाउनले गर्दा दैनिक ज्याला मजदुरी गरेर जिविका चलाउनेहरु तथा अन्य अति विपन्नहरुका लागि खाद्यान्न लगायतत अन्य अत्यावश्यक सेवा,वस्तुको व्यवस्थापन गर्ने सम्पूर्ण जिम्मेवारी स्थानीय तहमाथिनै आइपरेको छ ।– पुर्व शहरी विकास मन्त्रीको भनाई छ ।
सांसद तथा पुर्व शहरी विकास मन्त्री राईद्धारा आफ्नो फेसबुकमा राखिएको सन्देशको पुर्णपाठ जस्ताको तस्तै यहाँ साभार गरिएको छ ।
अहिलेको यस निकै जटिल र असहज परिस्थितीमा कोभिड १९ं कोरोना भाइरसको विरुद्धमा संघीय सरकार, प्रदेश सरकार र स्थानीय तह तीनवटै सरकारको काँधमा अतिनै महत्वपूर्ण जिम्मेवारी आइपरेकोले सबैले आ–आफ्नो जिम्मेवारी इमान्दारीपूर्वक निर्वाह गर्नु अहिलेको आवश्यकता हो ।
कोरोना विरुद्धको यो अभियानमा केन्द्रिय सरकारले आवश्यक बजेट र उपकरण लगायतको व्यवस्थापन गर्ने, प्रदेश सरकारले त्यसको समन्वय गर्ने आफ्ना मातहतका सम्पूर्ण निकाय परिचालन गरी व्यवस्थापन गर्ने र क्वारेन्टाइनको पूर्ण व्यवस्थापनदेखि लकडाउनले गर्दा दैनिक ज्याला मजदुरी गरेर जिविका चलाउनेहरु तथा अन्य अति विपन्नहरुका लागि खाद्यान्न लगायतत अन्य अत्यावश्यक सेवा,वस्तुको व्यवस्थापन गर्ने सम्पूर्ण जिम्मेवारी स्थानीय तहमाथिनै आइपरेको छ ।
सो सम्बन्धमा मेरो बाँके जिल्लाको निर्वाचन क्षेत्र नम्बर २ को कुरा गर्ने हो भने उक्त क्षेत्रमा डुडुवा गाउँपालिका र नेपालगन्ज उपमहानगरपालिकाका अधिकांश वडाहरु पर्दछन । त्यसमा मैले हेर्ने हो भने अहिले आफ्नो जिम्मेवारी निर्वाह गर्ने क्रममा देशभरिकै स्थानीय तहमध्ये नेपालगन्ज उप-महानगरपालिकाका उपप्रमुख अरु भन्दा बढी सक्रिय र क्रियाशिल देखिनु भएको छ ।
मुख्य जिम्मेवारी लिएकाहरु जिम्मेवारविहिन देखिएको बेला उपप्रमुखको सक्रियता निकै सराहनीय छ ।
कार्यकारी अधिकार नपाएता पनि अहिलेको संकटको घडीमा अत्याधिक जोश जाँगरका साथ आफ्नो जिम्मेवारी जुन ईमान्दारिताका साथ निर्वाह गर्नु भएको छ ।
त्यसका लागि यस क्षेत्रको संघिय सासद र जनप्रतिनिधिका हैसियतले उहाँको अतुलनिय योगदानको उच्च कदर गर्दछु ।
अझै उहाँलाई थप साहस र हौसला मिलोस भन्ने कामना गर्दछु । मेरो व्यक्तिगत सहयोगमा यस क्षेत्र भित्र विभिन्न सहयोग कार्यक्रम जारीनै छ, साथै वहाँ लाई जुनसुकै सहयोगको आवश्यकता गर्न तयार रहेको आग्रह गर्न चाहन्छु ।
उहाँजस्तै देशभरिका ७५३ वटै स्थानीय तहका कार्यकारी अधिकार प्राप्त प्रमुखहरु र गाउँपालिकाका अध्यक्ष तथा उपप्रमुखहरुलाई पनि सदबुद्धि प्राप्त होस भन्ने कामना समेत गर्दछु ।
