नेपालगंज, मंगल प्रसाद माध्यमिक विद्यालय (एमपि स्कुल) नेपालगंजले स्वागत तथा सम्मान कार्यक्रममा आफ्नो ५ जना पुरानो विद्यार्थी लाई सम्मान गरेको छ ।
सम्मानित हुनेहरुमा सुरेन्द्र बहादुर हमाल, सुरेश कुमार कनोडिया,वरिष्ठ अधिवक्ता विजय कुमार गुप्ता र ध्रुव कुमार वैश्य लाई सम्मान गरिएको हो ।
नेपालगंज उपमहानगरपालिकाका मेयर प्रशान्त विष्टको प्रमुख आतिथ्यतामा सम्पन्न कार्यक्रममा जिल्ला प्रशासन कार्यालयका सिडिओ,जिल्ला समन्वय समितिका जिसिओ, विद्यालय व्यवस्थापन समितिका अध्यक्ष जैकेश सिंहको आतिथ्यता रहेको थियो ।
कार्यक्रममा सम्मानित व्यक्तित्वहरू र विद्यालयका प्रधानाध्यापक सन्ध्या गुप्ताले आ—आफ्ना भनाईहरु राख्नु भएको थियो ।
