पत्रिका वितरकहरुलाई नेपाल शेर्पा संघका बरिष्ठ सल्लाहकार नुरी शेर्पाको सहयोग

नेपालगञ्ज, नेपाल शेर्पा संघका बरिष्ठ सल्लाहकार नुरी शेर्पाले लकडाउनका कारण समस्यामा परेका घरपरिवारका लागि सहयोग गर्नुभएको छ ।

लोकप्रिय सन्देश दैनिकले पत्रिका वितरकहरुको सहयोगका लागि संचालन गरिरहेको अभियानमार्फत मिङमार होटलका सञ्चालक तथा नेकपा वडा कमिटीका सदस्य समेत रहनुभएका शेर्पाले ५ घर परिवारका लागि सहयोग गर्नुभएको पत्रिकाका प्रबन्धक दिनेश ठाकुरले जानकारी दिनुभयो ।

प्रति परिवार १० किलो चामल, एक किलो दाल, एक एक किलो चिनी, एक लिटर खानेतेल र एक किलो नुन र एउटा साबुन सहयोग गरिएको हो ।