चितवन / ३० असार ।
कोरोना भाइरस (कोभिड–१९) सङ्क्रमणको त्रासले गरिएको बन्दाबन्दीका कारण धराशयी अवस्थामा पुगेको नेपालको कुखुरापालन क्षेत्रमा केही दिनयता सुधारको लक्षण देखापरेको छ ।
चल्लाको उत्पादन र खपत बढेको छ, मासु र अण्डाको खपत मात्र होइन मूल्य आकाशिएको छ ।
नेपाल पोल्ट्री महासङ्घका अध्यक्ष गुणचन्द्र विष्टका अनुसार चैतको सुरुदेखि नै समस्या देखिएको व्यवसायमा असारको आधाआधीमा आइपुग्दा केही आशा पलाएको छ । उत्पादन कम भए पनि बोइलर पालकले उत्पादनको मूल्य पाउन थालेका छन् ।
पछिल्लो समयमा रोग प्रतिरोध शक्तिका लागि प्रोटिनको आवश्यकता पर्छ भएकाले अण्डा र मासुको खपतमा केही सुधार भएको विष्टको भनाई छ।
विष्टका अनुसार केही समययता मासु र अण्डाको माग बढ्न थालेको तर पर्याप्त उत्पादन हुन नसकिरहेको अवस्था छ ।
