बुटवल ,साइन रेसुङ्गा डेभलपमेण्ट बैंकले कर्जाको ब्याजदर न्यूनतम १.१८ प्रतिशतले घटाएको छ । साउन ६ गतेदेखि लागु हुने गरी सबै ग्राहकको लागि कर्जाको ब्याज दर घटाइएको बैंकले जनाएको छ ।
कोभिड–१९ को प्रभावमा परेका ग्राहकका लागि आर्थिक राहत होस भन्ने उद्देश्यले नेपाल राष्ट्र बैंकले तोकेको क्षेत्रका कर्जाहरुमा बैंकले रु ८ करोड ५ लाख रुपैयाँ ब्याज छुट गरेको छ ।
बैंकले चैत्र महिनाको ब्याज २०७६ चैत्र मसान्तमा भुक्तानी गरेका ग्राहकहरुलाई नेपाल राष्ट्र बैंकले गरेको व्यवस्था अनुरुप १० प्रतिशतका दरले रु ३५ लाख रुपैया छुट पनि गरेको छ ।
कोभिड–१९ वाट प्रभावित भएको अर्थतन्त्रलाई चलायमान बनाउन र उद्यमशीलता विकास गर्ने उद्देश्यले साना तथा मझौला उद्योग व्यवसाय कर्जा, कृषि कर्जा तथा व्यत्तिगत घर कर्जा बार्षिक ९५० प्रतिशतमा प्रवाह गर्ने बैंकका प्रमुख कार्यकारी अधिकृत प्रकाश पौडेलले बताए ।
यस्तै अन्य कर्जाहरुमा पनि अत्यन्त प्रतिस्पर्धी ब्याजदर कायम गरी अर्थतन्त्रमा चलायमान बनाउने बैकको दाबी छ ।
बुटवलमा केन्द्रिय कार्यालय रहेको शाइन रेसुङ्गा डेभलपमेण्ट बैंक राष्ट्रियस्तरको विकास बैंक हो । बैंकको हाल जारी तथा चुक्ता पूँजी ३ अर्ब १ करोड रहेको छ ।
बैंकका प्रदेश ५, बागमती प्रदेश र गण्डकी प्रदेशमा गरी ६९ वटा शाखा कार्यालय १ वटा एक्सटेन्सन कार्यालय रहेका छन्। (खबरकुराबाट)
