काठमाडौं। विश्वभर कोरोना भाइरसको संक्रमितको संख्या १ करोड ८२ लाखभन्दा बढी पुगेको छ।
सोमबार यो समाचार तयार पार्दासम्म एकै दिन २ लाख १७ हजार ९०१ जना संक्रमित भएका छन् ।
योसँगै विश्वभर कोरोना संक्रमितको संख्या १ करोड ८२ लाख ३१ हजार ४६६ पुगेको हो ।
यस्तै एकै दिन ४ हजार ४०४ जनाको कोरोना संक्रमणबाटै मृत्यु भएको छ ।
योसँगै मृत्यु हुनेको संख्या ६ लाख ९२ हजार ४२० पुगेको छ ।
सोमबार बिहानसम्म १ करोड १४ लाख ४३ हजार ८१३ जना निको भएका छन् । कुल संक्रमितको ६० प्रतिशतभन्दा बढी निको भएका हुन् ।
पछिल्लो २४ घण्टामा मात्रै २ लाखभन्दा बढी निको भएका छन् ।
चीनको वुहानबाट सुरु भएको कोरोना भाइरस अहिले विश्वका २१६ देशमा फैलिसकेको विश्व स्वास्थ्य संगठनले जनाएको छ ।
