विराटनगर। प्रदेश १ का मुख्य न्यायाधीवक्ता चूडामणि आचार्य सहित विराटनगरमा १८ जनामा कोरोना संक्रमण देखिएको छ ।
न्यायाधीवक्ता सहित उनकी पत्नी र छोरालाईसमेत कोरोना पुष्टि भएको प्रदेश सरकार सामाजिक विकास मन्त्रालयले जनाएको छ ।
यसैगरी प्रदेश प्रहरी कार्यालय विराटनगरका थप ७ जना प्रहरी कर्मचारीमा कोरोना पुष्टि भएको छ ।
प्रदेश १ मा उच्च ओहोदामा पहिलो पल्ट कोरोना संक्रमण पुष्टि भएको हो ।
उनीहरु सवैको कोशी अस्पताललको प्रयोगशालामा गरिएको परीक्षणमा रिपोर्ट पोजिटिभ आएको सो अस्पतालले जनाएको छ ।
यसरी उच्च ओहोदाका व्यक्तिमा कोरोना संक्रमण भएपछि विराटनगरमा कोरोनाको अवस्था भयावह भएको पाइन्छ ।
सरकारका उच्च ओहोदाका संक्रमित व्यक्तिसँग धेरै जना सरकारका पधादिकारीहरु सम्पर्कमा आएको हुन सक्ने भएकाले सम्पर्कमा आएकाहरुको पनि पीसीआर टेष्ट गर्नुपर्ने भएको छ ।
