काठमाडौं । त्रिभुवन विमानस्थल कार्यालयका अनुसार बिहीबार विभिन्न मुलुकबाट १४६६ जना नेपाली काठमाडौं आएका छन् ।
विभिन्न एयरलाइन्सका एक दर्जन उडानबाट उनीहरु स्वदेश फर्किएका हुन् ।
बिहीबार नेपाल एयरलाइन्सले साउदी अरबको रियादबाट २५९ नेपालीलाई काठमाडौं ल्याएको छ।
त्यस्तै हिमालय एयरलाइन्सले दमामबाट १५४ जना नेपालीलाई स्वदेश फर्काएको छ ।
नेपाल एयरलाइन्सले दमामबाट १ सय ४४ जनालाई काठमाडौं ल्याएको छ । हिमालयले नै कतारको दोहाबाट १ सय ५७ जनालाई नेपाल ल्याएको छ ।
मालिन्दो एयरले क्वालालाम्पुरबाट १७८ जनालाई काठमाडौं ल्याएको छ ।
एयर अरेवियाले सारजहाबाट १६८ नेपालीलाई घर फर्काएको छ । एयर अरेबियाको दोस्रो उडानबाट बिहीबार नै १ सय ६६ जना यात्रु काठमाडौं आइपुगेका छन् ।
टर्कीको इस्तानबुलबाट काठमाडौं आएको टर्किस एयरलाइन्सले ७६ जना यात्रु ल्याएको छ ।
