काठमाडौं । ललितपुरको मेडिसिटी अस्पतालमा उपचाररत ६४ वर्षीय कोरोना संक्रमित पुरुषको सोमबार मृत्यु भएको छ।
स्वास्थ्य तथा जनसंख्या मन्त्रालयले भने यसबारे पुष्टि गरिसकेकाे छैन ।
ललितपुर जिल्ला जनस्वास्थ्य प्रमुख खगेश्वर गेलालका अनुसार सोमबार बिहान ६ बजे उनको मृत्यु भएको हो ।
मृतक ६४ वर्षीय पुरूष कलंकी ट्याङ्ला फाँटका हुन् ।
निमोनिया र मधुमेहको रोगी उनलाई साउन १५ गते अस्पताल भर्ना गरिएको थियो ।उपचारका क्रममा उनीमा काेराेना संक्रमण पुष्टि भएकाे थियो ।
अहिले मृतकको शव अस्पतालमै छ । सेनाको टोलीले व्यवस्थापन गर्ने तयारी भइरहेकाे छ ।
