देश मा फैलिएको कोरोना त्रास र लकडाउन को अवस्था मा हत्या तथा आत्मा हत्या को शृंखला अपत्यारिलो तरिका बाट बढी रहेको एक तथ्याङ्क ले देखाएको छ ।
आफ्नै श्रीमतीको कुटपिट गरी हत्या गरेको अभियोगमा निजगढ नगरपालिका-१३ बस्ने ४० वर्षीय सुकुले रुम्बालाई प्रहरीले पक्राउ गरेको छ ।
सामान्य विवादमा सुकुलेले आफ्नै श्रीमती ३९ वर्षीया निर्मला गोले रुम्बालाई कुटपिट गर्दा बेहोस भई उपचारको लागि हेटौंडा अस्पताल मकवानपुर लगिएकोमा उपचारको क्रममा उनको मृत्यु भएको थियो । ईलाका प्रहरी कार्यालय निजगढबाट खटिएको प्रहरीले सुकुलेलाई पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।
