काठमाडौँ । सत्तारुढ दल नेपाल कम्युनिष्ट पार्टी (नेकपा) को भोलि बिहान बस्ने भनिएको सचिवालय बैठक स्थगित भएको छ ।
शुक्रबार दुई अध्यक्ष बीच भएको बैठकले भदौ १८ गतेसम्मका लागि सचिवालय बैठक स्थगित भएको हो ।
शुक्रबार प्रधानमन्त्री एवं अध्यक्ष केपी शर्मा ओली र अर्का कार्यकारी अध्यक्ष पुष्पकमल दाहाल प्रचण्ड बीच भेटवार्ता भएको थियो ।
भोलिको सचिवालय बैठक बस्नु अगाडि दुई अध्यक्ष बीच भेटवार्ता गरिएको थियो ।
सोही भेटवार्ताले सचिवालय बैठक पाँच दिनका लागि स्थगित गरेको बालुवाटार स्रोतले जनाएको छ ।
गत भदौ ९ गते कार्यदलको प्रतिवेदनबारे दुई अध्यक्ष बीच छलफल भएको थियो । उक्त छलफलले भदौ १३ गते सचिवालय बैठक डाक्ने निर्णय गरेको थियो ।
