काठमाडौं। प्रदेश १, २, गण्डकी र सुदूरपश्चिम प्रदेशका अधिकांश भूभागमा सामान्यदेखि पूर्ण बदली रही देशका अन्य भू-भागको मौसममा अहिले आंशिकदेखि सामान्य बदली रहेको छ।
जल तथा मौसम विज्ञान विभागका अनुसार प्रदेश १, बागमती, गण्डकी र सुदूरपश्चिम प्रदेशका एक/दुई स्थानहरूमा अहिले हल्का वर्षा भइरहेको छ।
आगामी २४ घण्टा प्रदेश १ र २ का एक/दुई स्थानहरूमा भारी वर्षाको सम्भावना रहेकोले सतर्कता अपनाउन अनुरोध गरिएको छ।
मौसम पूर्वानुमान महाशाखाका अनुसार देशभरको मौसम सामान्य बदली रही केही स्थानहरूमा मेघगर्जन/चट्याङसहित हल्कादेखि मध्यम वर्षाको सम्भावना छ।
