नेपाल कम्युनिस्ट पार्टी (नेकपा)बाँकेका युवा नेता रत्न खत्री सहित ६० जना डिस्चार्ज

नेपालगञ्ज, नेकपाका युवा नेता रत्न खत्री कोरोना संक्रमण जितेर शुक्रबार फिर्ता हुनुभएको छ । १४ दिनसम्म आईसोलेसनमा बसेर नेता खत्री शुक्रबार डिस्चार्ज हुनुभएको हो ।

यसैगरी नेपालगञ्जका युवा व्यवसायी नमु पाण्डे समेत शुक्रबार नै कोरोना जितेर फिर्ता हुनुभएको छ ।

स्वास्थ्य कार्यालयका अनुसार शुक्रबार बाँकेमा ६० जना कोरोना जितेर फिर्ता हुनुभएको छ । डिस्चार्ज हुनेमा प्रहरी समेत रहेका छन् ।

बाँकेमा हालसम्म एकहजार ५४६ जना संक्रमित भएकोमा एकहजार ९२ जना डिस्चार्ज हुनुभएको छ । ९ जनाको मृत्यु भएको छ ।