काठमाडाैं। २४ दिनदेखि अनसनरत डा गोविन्द केसीको स्वास्थ्य अवस्था खस्कँदै गएको छ ।
डा केसीको शरीरमा अक्सिजनको मात्रा पनि घट्दो छ। उनलाई बेलाबेला अक्सिजन दिइएको छ।
उनको उपचारमा संलग्न चिकित्सकहरूका अनुसार उनको रक्तचाप घटेर ७०/५० पुगेको छ ।
यस्तै , उनमा थकान, रिंगाटा लाग्ने, मुटुको धड्कन अनियमित, मांसपेशी दुखाइको समस्या देखिएको छ ।
डा सुभाष आचार्य नेतृत्वको चिकित्सक टोलीले केसीको स्वास्थ्य अवस्थाबारे परीक्षण गरिरहेका छन्।
उनलाई आइसियूमा राख्न चिकित्सकले सुझाव दिए पनि उनले अस्वीकार गर्दै आएका छन्। उनलाई नर्मल स्लाइन पानी दिइएको छ।
