नेपालगञ्ज, कोरोना संक्रमण भएपछि उपचाररत नेपालगन्ज उप–महानगरपालिकाका शिक्षा अधिकृत दानबहादुर विष्टको आईतबार निधन भएको छ ।
नेपालगञ्ज उप–महानगरपालिका वडा नम्बर ४ स्थायी घर भएका विष्टको उपचारको क्रममा भेरी अस्पतालमा निधन भएको हो ।
स्वास्थ्यमा समस्या आएपछि मङ्सिर २४ गते कोरोना परीक्षण गराएका विष्टलाई २५ गते कोरोना भएको पुष्टि भएको थियो ।
रोगको प्रकृतिअनुसार, सबै प्रकारको उपचार गर्दा गर्दै विष्टको निधन भएको भेरी अस्पतालले जनाएको छ ।
यसअघि पनि कोरोनाबाट नेपालगञ्ज उप–महानगरपालिकाका जिन्सी सहायक युवराजविक्रम घले र वडा नम्बर २ का वडा सदस्य शान्ति परियारको निधन भएको छ ।
