नेपालगञ्ज,बाँकेमा क्रियाशिल सञ्चारकर्मीहरुलाई कोरोना विरुद्धको भ्याक्सिन लगाइने भएको छ ।
बाँकेका प्रमुख जिल्ला अधिकारी रामवहादुर कुरुम्बाङका अनुसार मंगलबार विहान १० बजेदेखि भेरी अस्पताल नेपालगञ्जमा सञ्चारकर्मीहरुलाई कोरोना विरुद्धको भ्याक्सिन उपलब्ध गराइने भएको छ ।
पहिलो चरणमा स्वास्थ्यकर्मी, सरसफाईकर्मी लगायत फ्रन्टलाईनमा खटिनेलाई यो खोप दिइएको छ । बाँकेमा पहिलो चरणमा कुल लक्ष्यको ९९.३४ प्रतिशत अर्थात चार हजार ९६७ जनालाई भ्याक्सिन लगाइएको छ ।
दोश्रो चरणमा आज मंगलबारदेख सञ्चारकर्मीहरुलाई खोप लगाउन लागिएको हो । नेपाल पत्रकार महासंघ बाँकेका अध्यक्ष ठाकुरसिंह थारुले खोपका लागि अनिवार्यरुपमा पत्रकार परिचयपत्र सहित भेरी अस्पतालमा उपस्थित हुन आग्रह गर्नुभएको छ ।
