नेपालगञ्ज,बाँके युनेस्को क्लबको समन्वयमा सारथी फाउन्डेसनका संस्थापक ध्रुव देवकोटाले बाँकेको एक मदरसा र एक सामुदायीक विद्यालयमा स्वास्थ्य र शैक्षिक सामाग्री वितरण गर्नु भएको छ ।
देवकोटाले आफ्नो व्यक्तिगत पैसाले मदरसा बरकातिया र फत्तेपुर सर्रीको सामुदायीक विद्यालयमा साबुन, हैन्डवास, मास्क र सेनिटाइजर लगायत शैक्षिक सामाग्री उपलब्ध गराउनु भएको हो ।
नेपालगञ्जस्थि मदरसा बरकातियाका दुई जना अनाथ बालबालिका र राप्तीपारी फत्तेपुरको सर्रीस्थित सामुदायीक विद्यालयका ४ जना विपन्न र अनाथ बालबालिका गरेर ६ जनाको सबै पढाई खर्च पनि निजि पैसाले व्यहोर्ने पनि उहाँले सो अवसरमा घोषणा गर्नु भएको बाँके युनेस्को क्लबका संरक्षक प्रवेज अली सिद्दिकीले बताउनु भयो ।
उहाँका अनुसार मदरसाका कक्षा २ का अयान जसगढ र कक्षा ५ का सना सल्मानी तथा सामुदायीक विद्यालयका कक्षा ३ का सलिना था?, सन्जु मल्लाह, कक्षा ५ का सुकमनी था? र कक्षा ६ का सुनिता कवंरको सबै शैक्षिक खर्च देवकोटाले व्यहोर्नु हुनेछ ।
ती ६ जना बालबालिकालाई देवकोटाले विद्यालय पोशाक, पोशाक सिलाउने पैसा र कपि, पेन्सिल पनि दिनुभयो । मदरसा बरकातियामा एक पेटी सेनिटाइजर, एक पेटी साबुन, पाँचसय पिस मास्क र २५ लिटरको सेनिटाइजर जर्किन दिनुभयोे थियो भने तथा फत्तेपुरस्थित सर्रीको विद्यालयमा पनि सात सय पिस मास्क, एक पेटी साबुन, एक पेटी हैन्डवास, एक पेटी सेनिटाइजर र २५ लिटरको सेनिटाइजर जर्किन उपलब्ध गराउनु भयो ।
मदरसाका विद्यार्थिलाई देवकोटा लगायत मदरसाका संस्थापक मौलाना अब्दुल जब्बार मन्जरी र प्रधानाध्यापक मौलाना जियाउल मुस्तफा नुरानी तथा विद्यालयका विद्यार्थिलाई बाँके युनेस्को क्लबका संरक्षक प्रवेज अलि सिद्दिकी, सह निर्देशक साजिद अलि सिद्दिकी र प्रधानाध्यापक सुख बहादुर था?ले शैक्षिक र स्वास्थ्य सामाग्री वितरण गर्नुभयो ।
शैक्षिक र स्वास्थ्य तथा सरसफाइको सहयोगले मदरसालाई ठुलो मद्दत पुगेको मदरसाका संस्थापक मौलाना अब्दुल जब्बार मन्जरीले बताउनुभयो ।
