नेपालगञ्ज, नेपालगञ्ज उप–महानगरपालिका वडा नम्बर ५ का वडा अध्यक्ष कैफुलवरा जोलाहलाई बिहिवार दिउसो कार्यकक्षमै कुटिनुभएको छ । जोलाहलाई केही ब्यक्तिहरुले कार्यकक्षमै कुटपिट र हातपात गरेको नेपालगञ्ज उप–महानगरपालिकाका प्रमुख डा. धवलशम्शेर राणाले जानकारी दिनुभयो ।
टाउकोमा चोट लागेका जोलाहको शिक्षण अस्पताल नेपालगञ्जमा उपचार भईरहेको छ । वडा कार्यालयका कर्मचारी राज सिंह सिँजापति सहितका कर्मचारीहरुमाथी समेत अभद्र व्यवहार गरिएको उपमहानगरपालिकाले जनाएको छ ।
वडा अध्यक्ष जोलाहमाथी कुटपिट गर्ने स्थानीय अयुव अली हल्वाईलाई जिल्ला प्रहरी कार्यालय बाँकेको टोलीले पक्राउ गरेको छ । अयुवका छोरा मो.अर्षद हल्वाई फरार रहेको प्रहरीले जनाएको छ ।
