नेपालगन्ज, भेरी अस्पताल नेपालगन्जमा विहिबार साझ भएको घटनाप्रती राष्ट्रिय प्रजातान्त्रिक युवा संगठन नेपालगन्जले कडा आपत्ति जनाउँदै दोषी माथि कारबाहीको माग गरेको छ ।
राष्ट्रिय प्रजातान्त्रिक युवा संगठन नेपालगन्जका अध्यक्ष रवि बर्माले भने भेरी अस्पतालमा बिहीबार राति चिकित्सक र स्वास्थ्यकर्मीमा कुटिएको घटना प्रती आपत्ति जनाउँदै प्रमुख जिल्ला अधिकारी समक्ष उक्त घटना घटाउनेलाई कडा कारबाहीको माग गरेका हुन् ।
अध्यक्ष बर्माले अगाडी भनेका छन् , चिकित्सक र स्वास्थ्यकर्मी माथीको अमानवीय घटना घटाउनेलाई कडाभन्दा कडा कारबाही होस् अन्यथा नगर युवा संगठन नेपालगन्जले कारबाही गर्ने समेत घोषणा गरेका छन् ।
विहिवार राती भेरी अस्पतालमा उपचाररत कोरोना संक्रमित बिरामिको मृत्यु पछि मृतकका आफन्तिले चिकित्सक र स्वास्थ्यकर्मीमाथी अन्धाधुन्ध आक्रमण गरेका थिए ।
सो आक्रमणबाट बच्न केही नर्सहरु पहिलो तलाबाट हाम फालेर ज्यान जोगाउने प्रयास गरेका थिए , सो क्रममा चिकित्सक र स्वास्थ्यकर्मीलाई चोट समेत लागेको छ र आज शुक्रबार विहानै बाट अस्पताल प्रसाशन अगाडि बाट स्वास्थ्यकर्मीले आफ्नो सुरक्षा गर्न माग गरेर विरोध प्रर्दशन जारी छ ।
पुलिस प्रसाशन मुर्दावाद, बाँके सिडियोको पाराले दुख पायौ सारा र स्वास्थ्य कर्मी माथि सुरक्षा गर, दोषी माथी कार्वाहीको माग गदै विरोध प्रर्दशन गरि रहेको वेला राष्ट्रिय प्रजातान्त्रिक युवा संगठन नेपालगन्जले न्यायको माग गर्दै प्रेस वक्तव्य निकालेको छ।
