नेपालगन्ज, जानकी गाउँपालिका अध्यक्ष रामनिवास यादवकाे निधनप्रति आज सार्वजनिक सञ्जालमा विभिन्न संस्थाका प्रमुखहरू, उनका आफ्न्तहरू, कर्मचारीलगायतहरूबाट श्रद्धाञ्जली व्यक्त गरिएकाे छ ।
बाँकेको जानकी गाउँपालिकाका अध्यक्ष रामनिवास यादवको गएराती निधन भएको छ । गएराती एक्कासी बिरामी भएपछि नेपालगन्ज मेडिकल कलेज शिक्षण अस्पताल नेपालगन्जमा भर्ना गरिएको थियो । उनको उपचारकै क्रममा निधन भएको जनाइएको छ ।
प्रेसर घटेपछि शुक्रबार साँझ ६ बजे अस्पताल लगिएको यादवको राती एक बजे निधन भएको थियो । अध्यक्ष यादवको शवलाई विहानै घर लगिएको र आजै दाहसंस्कार गरिने पनि पारिवारिक स्रोतले जनाएको छ । २०७४ सालको स्थानीय निर्वाचनमा यादवले एमालेबाट जानकी गाँउपालिकाको अध्यक्षमा चुनाव जितेका थिए ।
