नेपालगञ्ज,
बाँकेको डुडुवा गाउँपालिकास्थित सशस्त्र प्रहरीको बोर्डर आउट पोष्ट (बीओपी) कालाबञ्जरको परिसरमा निर्माण गरिएको मन्दिरको प्राणप्रतिष्ठा गरी पूजाआजाको शुरुवात गरिएको छ ।
करीब ७ लाख २५ हजारको लागतमा निर्माण गरिएको शिवपञ्चायन (मल्लिकार्जुन) मन्दिरको विधिवत पूजाआराधना गरी प्राणप्रतिष्ठा गरिएको हो ।
मन्दिरमा भगवान शिव, सूर्य नारायण, गणेश, माँ दुर्गा, विष्णु र बाहिर पट्टी माता सन्तोषीको मूर्ति स्थापना गरी प्राणप्रतिण्ठा गरिएको बीओपीका इञ्चार्ज सशस्त्र प्रहरी निरीक्षक गोरख सिँह भण्डारीले जानकारी दिए ।
डुडुवा गाउँपालिकाको तीन लाख आर्थिक सहयोग र विभिन्न दाताले दिएको दान गरी ७ लाख २५ हजारमा उक्त मन्दिर निर्माण गरिएको हो ।
