मंसूर अली
नेपालगञ्ज,राष्ट्रिय प्रजातन्त्र पार्टी निकट मानिएको मिडिया नेपालले केन्द्रिय कार्य समिति विस्तार गरेको छ ।
मिडिया नेपालका अध्यक्ष गोपाल प्रसाद पौडयालले मिडिया नेपालको विधानको परिच्छेद ५ को दफा १९ बमोजिम पाँच (५) उपाध्यक्ष, उपत्यका संयोजक एक (१) महासचिव एक (१) कोषाध्यक्ष एक (१) प्रदेश प्रमुख र केद्रिय सदस्य विस्तार गरेको जानकारी दिनुभयो ।
केन्द्रीय अध्यक्ष पौडयालले बाँके जिल्लाबाट मिडिया नेपालमा श्रीधर सुवेदी उपाध्यक्षलाई मनोनित गरेका छन् । २०५७ साल बाट बाँकेबाट पत्रकारीता शुरु गरेका सुवेदी हाल (एन.एन) मिडिया प्रा.ली का अध्यक्ष छन । सुबेदीले बाँके लगायत देशभर मिडिया नेपाललाई बिस्तार गरिने अभिनयमा रहेको बताउँदै पत्रकारीता पेशामा सक्रिय रहेकाहरुलाई मात्र मिडिया नेपालमा सदस्यता प्रदान गर्ने जानकारी दिनुभयो ।
